Apo Bondo Eh Ekau Ni !!

Apo yang ponting kojosamo..!! kato wonderpets

Bilo den tak buek kojo dia kato den maleh..mengular banyak..curi tulang ( raso2 eh tak do den amik tulang sapo2) tapi bilo den buek kojo macam orang gilo ( tak do lah macam gilo meroyan tu ) di kato eh den ni bodek pulak..kadang2 raso mengelogak yo jiwo ni..mendidih tahap air paneh terjorang..tapi bilo ingatkan tuhan..konolah sabar yo.

Dah itu salah ini salah abih apo yang boto eh..bilo den tanyo ekau sonyap macam tak do idea..jadi den guno lah idea den ni..orang lain cakap ok ekau jo yang tak ok..comburu buto la tu..Kan ko elok samo samo dok bincang2 supayo banyak idea dapek di kombangkan ( bukan kombang idung kono puji ) tapi dapek banyak bondo leh fikir.

Bagi den kojo adalah amanah.Kojo bukan nak dapek namo sobab kita hebat.Dalam kojo kono ado kojosamo.Samo pikir samo buek samo dapek hasil samo samo pueh.Bilo dah bersatu kito jadi kuek..bilo kito kuek kito leh jadi samseng yang terbaik.Barulah orang nampak karisma kito sebagai belio harapan bangso.Kalau asyik merungut lamo lamo mulut pun tumbut sesunggut macam somut..nak manis eh jo..yang pahit tak nak.Mano boleh cam tu..tak maju kito di buek eh..Jadi samo2 lah kita torangan jiwo..bosihan ati..buang raso dongki supaya semuo perkaro nampak suci yo..

Den Jadi Poning Bilo ekau Macam Orang Poning..!!